Dedicado a la Banda de Gaitas del Centro Asturiano de Alicante
L´Estruendu
Axuntáronse de neños,
toos alredor de la gaita.
Yeren diez o dolce guaḥes
empeñaos en dar la lata.
Unos soplaben pa dientro;
otros pa fuera soplaben.
Ente toos faíen un ruíu
que nun sé cómo aguantaben.
Y la xente preguntaba
¿Qué?, ¿cómo suenen les gaites?
¡Aquello ye algo tremendo!
Nun lo vais imaxinar:
¡Si paez que ye un estruendu!
Poco a poco, con constancia,
fueron tirando p’alantre
qu’anque yeren asturianos
toos vivíen n’ Alicante.
Arrimáronse tambores,
panderos y panderetes,
y hasta mercaron un bombu
que costó bonos billetes.
Y güei da gustu escuchalos
cuando toquen cada día
en folixes y llagares,
verbenes y romeríes.
Punxéronse guapu nome,
toos a una aplaudiendo:
güei ye famosa nel mundu:
la Banda Gaites L’Estruendu
